ભારતની જાણીતી ટેકનોલોજી કંપની VerSe ઇનોવેશન, જે Dailyhunt અને Josh જેવી લોકપ્રિય એપ્સ ચલાવે છે, તેણે પોતાના મેનેજમેન્ટમાં એક મહત્વનો નિર્ણય લીધો છે. કંપનીએ તેના બોર્ડમાં સ્વતંત્ર ડિરેક્ટર તરીકે શ્રી પી. આર. રમેશની નિમણૂક કરી છે. આ નિમણૂક કંપનીના ભવિષ્ય અને તેની કામ કરવાની પદ્ધતિને વધુ મજબૂત બનાવવા માટે કરવામાં આવી છે.
કોણ છે પી. આર. રમેશ ?
પી. આર. રમેશ કોર્પોરેટ જગતનું એક ખૂબ જ સન્માનિત નામ છે. તેઓ વ્યવસાયે ચાર્ટર્ડ એકાઉન્ટન્ટ છે અને તેમની પાસે નાણાકીય બાબતો, કંપનીના નિયમો (ગવર્નન્સ) અને ઓડિટ ક્ષેત્રમાં 40 વર્ષથી વધુનો બહોળો અનુભવ છે. તેઓ વિશ્વની ટોચની કંપનીઓમાંની એક ડેલોઈટ ઈન્ડિયા (Deloitte India) ના ભૂતપૂર્વ અધ્યક્ષ રહી ચૂક્યા છે. અને ડેલોઈટ ગ્લોબલ બોર્ડના સભ્ય તરીકે પણ સેવા આપી ચૂક્યા છે. તેમણે અત્યાર સુધી એર ઈન્ડિયા, સિપ્લા, નેસ્લે ઈન્ડિયા, L&T અને HDFC જેવી ભારતની ટોચની કંપનીઓના બોર્ડમાં કામ કર્યું છે. વર્ષ 2022-23માં તેમને “શ્રેષ્ઠ સ્વતંત્ર ડિરેક્ટર“ તરીકેનું સન્માન પણ મળ્યું હતું.
ઓડિટ સમિતિના અધ્યક્ષ તરીકેની જવાબદારી
VerSe ઇનોવેશનમાં પી. આર. રમેશ માત્ર ડિરેક્ટર જ નહીં, પરંતુ ઓડિટ સમિતિના અધ્યક્ષ તરીકે પણ કામ કરશે. આ ભૂમિકામાં તેમની મુખ્ય જવાબદારીઓ નીચે મુજબ રહેશે
નાણાકીય પારદર્શિતા : કંપનીના તમામ હિસાબ-કિતાબ ચોખ્ખા અને પારદર્શક રહે તેની ખાતરી કરવી.
કંપનીના સહ-સ્થાપકે શું કહ્યું ??
VerSe ઇનોવેશનના સહ-સ્થાપક ઉમંગ બેદીએ આ નિમણૂક વિશે ઉત્સાહ વ્યક્ત કરતા જણાવ્યું કે, “કોઈપણ કંપનીને લાંબા સમય સુધી સફળ રાખવા માટે મજબૂત શિસ્ત અને નાણાકીય નિયમો પાયાની જરૂરિયાત છે. પી. આર. રમેશ પાસે વૈશ્વિક સ્તરનો અનુભવ છે. જેમ જેમ અમારી કંપની મોટી થઈ રહી છે, તેમ તેમ તેમનું માર્ગદર્શન અમને રોકાણકારો અને ગ્રાહકોનો વિશ્વાસ જીતવામાં ખૂબ મદદરૂપ થશે.
પી. આર. રમેશનો દૃષ્ટિકોણ
પોતાની નવી ભૂમિકા વિશે વાત કરતા પી. આર. રમેશે કહ્યું કે, “VerSe એ ભારતના ડિજિટલ માર્કેટમાં ખૂબ મોટું નામ બનાવ્યું છે. જ્યારે કંપની આટલી મોટી થાય, ત્યારે તેની જવાબદારી પણ વધે છે. હું કંપનીના મેનેજમેન્ટ સાથે મળીને એવા નિયમો અને માળખું તૈયાર કરવામાં મદદ કરીશ જે કંપનીના સતત અને જવાબદાર વિકાસમાં મદદરૂપ થાય.”
શું છે VerSe ઇનોવેશન?
VerSe ઇનોવેશન એ ભારતનું પહેલું ‘ટેક યુનિકોર્ન’ છે જે સ્થાનિક ભાષાઓ પર ધ્યાન કેન્દ્રિત કરે છે. તેની મુખ્ય પ્રોડક્ટ્સમાં નીચેનાનો સમાવેશ થાય છે:
Dailyhunt: કરોડો ભારતીયો પોતાની માતૃભાષામાં સમાચાર વાંચવા માટે આ એપનો ઉપયોગ કરે છે.
Josh: ભારતની નંબર-1 શોર્ટ વીડિયો એપ, જે કન્ટેન્ટ ક્રિએટર્સમાં ખૂબ લોકપ્રિય છે.
Magzter: ડિજિટલ મેગેઝિન પ્લેટફોર્મ.
NexVerse.ai: આર્ટિફિશિયલ ઇન્ટેલિજન્સ આધારિત નવી ટેકનોલોજી.
સામાન્ય રીતે જ્યારે કોઈ સ્ટાર્ટઅપ ખૂબ મોટું બને છે, ત્યારે તેની સામે અનેક પડકારો હોય છે. પી. આર. રમેશ જેવા અનુભવી નિષ્ણાતનું બોર્ડમાં આવવું એ સંકેત આપે છે કે VerSe ઇનોવેશન હવે વધુ ગંભીરતાથી અને પ્રોફેશનલ રીતે આગળ વધવા માંગે છે. આનાથી કંપનીના શેરધારકો અને રોકાણકારોમાં કંપની પ્રત્યેનો ભરોસો વધુ મજબૂત થશે.
પી. આર. રમેશની નિમણૂક એ VerSe ઇનોવેશન માટે એક વ્યૂહાત્મક પગલું છે. તેમના અનુભવનો લાભ કંપનીને વધુ ઊંચાઈએ લઈ જશે અને ભારતીય ટેક જગતમાં કંપનીનું સ્થાન વધુ મજબૂત બનાવશે.
