Narendra Modi : ‘પાકિસ્તાની મૂળના ઉદ્યોગપતિએ વડાપ્રધાન નરેન્દ્ર મોદીના નેતૃત્વના વખાણ કર્યા છે. તેમણે કહ્યું કે પીએમ મોદીએ ભારતને વિકાસની નવી ઊંચાઈઓ પર લઈ ગયા. તેઓ ત્રીજી વખત ભારતના વડાપ્રધાન બનવા જઈ રહ્યા છે.
PM મોદી ફરી એકવાર વડાપ્રધાન બનવા જઈ રહ્યા છેઃ સાજીદ તરાર
બાલ્ટીમોર સ્થિત પાકિસ્તાની અમેરિકન બિઝનેસમેન સાજિદ તરારએ કહ્યું કે મોદી માત્ર ભારત માટે જ નહીં પરંતુ વિશ્વ માટે સારા નેતા છે અને આશા છે કે પાકિસ્તાનને પણ તેમના જેવો નેતા મળશે.
ન્યૂઝ એજન્સી પીટીઆઈ સાથે વાત કરતા તેમણે કહ્યું, “મોદી એક અદ્ભુત નેતા છે. તે જન્મજાત નેતા છે. તેઓ એવા વડાપ્રધાન છે જેમણે પ્રતિકૂળ સંજોગોમાં પાકિસ્તાનની મુલાકાત લીધી હતી. મને આશા છે કે પીએમ મોદી પાકિસ્તાન સાથે વાતચીત અને વેપાર શરૂ કરશે. તરારે કહ્યું કે તેમાં કોઈ શંકા નથી કે પીએમ મોદી ફરી એકવાર ભારતના વડાપ્રધાન બનવા જઈ રહ્યા છે.
ભારત સૌથી મોટી લોકશાહી છેઃ સાજીદ તરાર
તરાર 1990ના દાયકામાં અમેરિકા ગયા હતા અને પછી તેમણે પાકિસ્તાની સમુદાય સાથે કામ કરીને પોતાનો બિઝનેસ મોટો કર્યો હતો. તરારે વધુમાં કહ્યું કે, આ કોઈ ચમત્કારથી ઓછું નથી કે ભારતમાં 97 કરોડ લોકો તેમના મતાધિકારનો ઉપયોગ કરી રહ્યા છે. ભારત સૌથી મોટી લોકશાહી છે. હું ત્યાં પીએમ મોદીની લોકપ્રિયતા જોઈ રહ્યો છું. તમે ભવિષ્યમાં જોશો કે લોકો ભારતીય લોકશાહીમાંથી શીખશે.
તરારે પાકિસ્તાનની ખરાબ આર્થિક સ્થિતિનો ઉલ્લેખ કર્યો
આ સાથે જ તરરે પાકિસ્તાનની ખરાબ આર્થિક વ્યવસ્થાનો પણ ઉલ્લેખ કર્યો હતો. તેમણે કહ્યું કે પાકિસ્તાન આર્થિક સંકટમાંથી પસાર થઈ રહ્યું છે, જેના પરિણામે પાકિસ્તાન અધિકૃત કાશ્મીર (PoK) સહિત દેશના ઘણા ભાગોમાં સામાજિક અશાંતિ જોવા મળી છે.
પાકિસ્તાનમાં ઘણી મોંઘવારી છે. પેટ્રોલના ભાવ ઊંચા છે. IMF ટેક્સ વધારવા માંગે છે. વીજળીના ભાવમાં વધારો થયો છે. અમે (પાકિસ્તાન) નિકાસ કરવા સક્ષમ નથી. તેમણે વધુમાં કહ્યું કે અફસોસની વાત છે કે પાકિસ્તાનમાં પાયાના સ્તરના મુદ્દાઓને ઉકેલવા માટે કોઈ પ્રયાસો કરવામાં આવી રહ્યા નથી. દેશમાં નિકાસ કેવી રીતે વધારવી. આતંકવાદને કેવી રીતે નિયંત્રિત કરવો અને કાયદો અને વ્યવસ્થા કેવી રીતે સુધારવી તે મુદ્દાઓ પર કામ થઈ રહ્યું નથી. અમે ઈચ્છીએ છીએ કે અમને એવું નેતૃત્વ મળે જે આ તમામ મુદ્દાઓને ઉકેલી શકે.
