મંગળવારે, ડિરેક્ટોરેટ ઓફ રેવન્યુ ઇન્ટેલિજન્સ (DRI) એ મુંબઈ એરપોર્ટ પર એક ભારતીય મહિલાની 62.6 કરોડ રૂપિયાના કોકેન સાથે ધરપકડ કરી હતી. મહિલા દોહાથી મુંબઈ આવી હતી. ગુપ્ત માહિતીના આધારે, DRI અધિકારીઓએ તેને એરપોર્ટ પર પકડી લીધી. DRI અનુસાર, 14 જુલાઈએ મળેલી માહિતીના આધારે કાર્યવાહી કરવામાં આવી હતી અને મહિલાને પકડી શકાઈ હતી.
મહિલાના સામાનની તપાસ કરતી વખતે, DRI અધિકારીઓને ઓરિયો બિસ્કિટના 6 મોટા બોક્સ અને ત્રણ ચોકલેટ બોક્સ મળી આવ્યા. આ 9 બોક્સ ખોલતાં, 300 કેપ્સ્યુલ મળી આવ્યા હતા, જેમાં સફેદ પાવડર હતો. તે કોકેન હોવાની શંકા હતી. દરેક કેપ્સ્યુલનું ફીલ્ડ ટેસ્ટ કીટથી પરીક્ષણ કરવામાં આવ્યું હતું, જેમાં કોકેનની પુષ્ટિ થઈ હતી. કુલ 6261 ગ્રામ કોકેન મળી આવ્યું હતું, જેની ગેરકાયદેસર બજારમાં કિંમત 62.6 કરોડ રૂપિયા આંકવામાં આવી છે.
આ કેસમાં વધુ તપાસ ચાલી રહી છે
DRI એ મહિલાની ધરપકડ કરી છે અને આ કેસમાં વધુ તપાસ ચાલી રહી છે. અગાઉ 22 જૂને, DRI એ સિએરા લિયોનથી એક પુરુષ મુસાફરની ધરપકડ કરી હતી. તેની પાસેથી ૧૧.૩૯ કરોડ રૂપિયાનું ૧૧૩૯ ગ્રામ કોકેન જપ્ત કરવામાં આવ્યું હતું. ૨૦ જૂનના રોજ, દિલ્હીથી મુંબઈ જતી બસમાંથી ડ્રગ્સની દાણચોરીના શંકાસ્પદ આધારે એક નાઇજીરીયન મહિલાની ધરપકડ કરવામાં આવી હતી. ૫૦ કિમી દેખરેખ પછી, તેની ધરપકડ કરવામાં સફળતા મળી હતી.
