એક સર્વેમાં જાણવા મળ્યું છે કે માતા-પિતા અને બાળકો વચ્ચે મજબૂત સંબંધો બાંધવામાં સ્માર્ટફોન અવરોધરૂપ છે. સર્વેના ખુલાસાથી સવાલ ઉઠ્યો છે કે સ્માર્ટફોનની આ દુનિયામાં પરિવારો એકબીજા સાથે સાર્થક સંબંધો કેવી રીતે જાળવી શકે છે. બાળકોમાં સ્માર્ટફોનની ખરાબ લતને જોતા ઓસ્ટ્રેલિયામાં 16 વર્ષ સુધીના બાળકો માટે ઈન્ટરનેટના ઉપયોગ પર પ્રતિબંધ મુકવામાં આવ્યો છે.
નવી દિલ્હી દેશના 76 ટકા બાળકો અને 84 ટકા માતા-પિતા એકબીજા સાથે વધુ સમય વિતાવવા માંગે છે, પરંતુ સ્માર્ટફોન અને સોશિયલ મીડિયા એપ્સ તેમને આમ કરવાથી રોકી રહ્યાં છે. એટલા માટે 94 ટકા બાળકો ઈચ્છે છે કે તેમના માતા-પિતાના સ્માર્ટફોનમાં માત્ર ત્રણ ફીચર્સ જેમ કે કોલિંગ, મેસેજિંગ અને કેમેરા હોવા જોઈએ.
સ્માર્ટફોનની આદત છોડવા તૈયાર નથી
બાળકો નથી ઈચ્છતા કે તેમના માતા-પિતાના સ્માર્ટફોનમાં સોશિયલ મીડિયા, મનોરંજન અને ગેમિંગ એપ્સની ઍક્સેસ હોય. બીજી તરફ, 75 ટકા માતા-પિતા ચિંતિત છે કે તેમના બાળકો સ્માર્ટફોનની લતને કારણે પરિવાર સાથે અર્થપૂર્ણ સંબંધો બાંધી શકતા નથી. પરંતુ બાળકો અને માતા-પિતા બંને સ્માર્ટફોનની આદત છોડવા તૈયાર નથી.
