કેન્દ્રીય જળશક્તિ મંત્રી, પ્રદેશ ભાજપ પ્રમુખ અને નવસારીના સાંસદ સી.આર. પાટીલનો 71મો જન્મદિવસ સેવા કાર્યો દ્વારા ઉજવવામાં આવ્યો. આ પ્રસંગે, નવી સિવિલ હોસ્પિટલમાં જરૂરિયાતમંદ દર્દીઓને મદદ કરવા માટે વિવિધ સાધનો અને કીટ આપવામાં આવ્યા હતા.
મુખ્ય સાધનો અને સુવિધાઓનું દાન: કેન્સરના દર્દીઓ, હિમોફીલિયાથી પીડિત બાળકો અને ચહેરાના લકવાગ્રસ્ત બાળકોને 71 કીટનું દાન કરવામાં આવ્યું. દર્દીઓની સુવિધા માટે સિવિલ હોસ્પિટલને ગોલ્ફ કાર્ટ આપવામાં આવી હતી. કાઉન્સિલર બ્રિજેશ ઉંડકટ દ્વારા સિવિલ હોસ્પિટલને ઇ-રિક્ષાનું દાન કરવામાં આવ્યું. આ ઉપરાંત, સિવિલ હોસ્પિટલને ટ્રાઇસિકલ, વ્હીલચેર, વોકર, ક્રુચ, ટોઇલેટ ચેર અને પોષણ કીટ સહિત અપંગતા સહાયક ઉપકરણો આપવામાં આવ્યા હતા. માનસિક વિકલાંગ બાળકો માટે ૧૭૧ કીટ – બારડોલી તાલુકાના ખારવાસા ખાતેના આશ્રમને દાનમાં આપવામાં આવી
આ પ્રસંગે સી.આર. પાટિલ અને તેમના પત્ની ગંગાબેન પાટિલ, શહેર ભાજપ પ્રમુખ પરેશ પટેલ, અંગદાન ચેરિટેબલ ટ્રસ્ટના સ્થાપક ડૉ. દિલીપ દાદા દેશમુખે ગોલ્ફ કાર્ટ અને ઇ-રિક્ષાને લીલી ઝંડી આપી હતી.
સી.આર. પાટીલના જન્મદિવસ નિમિત્તે જાહેર સેવા માટે લિંબાયત ખાતે મેગા મેડિકલ કેમ્પ – ધારાસભ્ય સંગીતાબેન પાટીલ દ્વારા આયોજિત. પાંડેસરા, ચીખુવાડી ખાતે સામાજિક નેતા છોટુભાઈ પટેલ દ્વારા આંખની તપાસ અને મોતિયાનો કેમ્પ યોજાયો. યુથ ફોર ગુજરાત અને ઉધના ઝોન ભાજપ દ્વારા દિવ્યાંગોને સાધનોનું વિતરણ, રક્તદાન શિબિર, મોતિયાની શસ્ત્રક્રિયા અને આરોગ્ય સંભાળ શિબિરનું આયોજન કરવામાં આવ્યું હતું.
સી.આર. પાટિલનો જન્મદિવસ છેલ્લા એક દાયકાથી વધુ સમયથી સિવિલ હોસ્પિટલમાં દર્દીઓની મદદથી ઉજવવામાં આવે છે. આ વખતે પણ વિવિધ સંસ્થાઓ અને નેતાઓની મદદથી જરૂરિયાતમંદોને આરોગ્ય સુવિધાઓ, કીટ અને તબીબી સહાય પૂરી પાડવામાં આવી.
આ પ્રસંગે શહેર ભાજપ પ્રમુખ પરેશ પટેલ, ડૉ. મહેન્દ્રસિંહ ચૌહાણ, જિગ્નેશ પાટિલ, ડૉ. હર્ષિતા પટેલ, ઇકબાલ કડીવાલા, શૈલેષ નાઈ, વીરેન્દ્ર પટેલ, સંજય પરમાર સહિત ડોક્ટરો, સામાજિક કાર્યકરો, ભાજપના પદાધિકારીઓ અને પાટિલ પરિવારના સભ્યો હાજર રહ્યા હતા.
