અમદાવાદ વિમાન દુર્ઘટનામાં જીવ ગુમાવનારા ગુજરાતના ભૂતપૂર્વ મુખ્યમંત્રી વિજય રૂપાણીના ડીએનએ મેચ થઈ ગયા છે. તેમનો મૃતદેહ તેમના પરિવારને સોંપવામાં આવશે. મળતી માહિતી મુજબ, તેમના અંતિમ સંસ્કાર રાજકોટમાં કરવામાં આવશે.
ગુજરાતના ગૃહમંત્રી હર્ષ સંઘવીએ જણાવ્યું હતું કે, આજે સવારે લગભગ 11:10 વાગ્યે તેમનો ડીએનએ મેચ થયો હતો. તેમનો મૃતદેહ તેમના પરિવારને સોંપવામાં આવશે.
પૂર્વ મુખ્યમંત્રી તેમની પુત્રી અને પત્નીને મળવા લંડન જઈ રહ્યા હતા.
12 જૂનના રોજ, અમદાવાદથી લંડન જઈ રહેલ એર ઈન્ડિયાનું વિમાન ક્રેશ થયું હતું. તેમાં સવાર 242 લોકોમાંથી 241 લોકો મૃત્યુ પામ્યા હતા. વિજય રૂપાણી તેમની પત્ની અને પુત્રીને મળવા લંડન જઈ રહ્યા હતા.
અત્યાર સુધીમાં, ડીએનએ પરીક્ષણ દ્વારા 32 પીડિતોની ઓળખ થઈ ગઈ છે. 14 લોકોના મૃતદેહ તેમના પરિવારને સોંપવામાં આવ્યા છે.
