રેલ્વેમાં નોકરી મેળવવા માંગતા ઉમેદવારો માટે સારા સમાચાર છે. રેલ્વે ભરતી બોર્ડે એપ્રેન્ટીસની જગ્યાઓ માટે ભરતીની જાહેરાત કરી છે. હાલમાં ભરતી પ્રક્રિયા ચાલી રહી છે. આ ભરતી મધ્ય રેલવેમાં કરવામાં આવી છે. અરજી કરવાની છેલ્લી તારીખ 27 જાન્યુઆરી 2025 છે. રસ ધરાવતા અને લાયક ઉમેદવારો www.scr.indianrailways.gov.in દ્વારા ઑનલાઇન અરજી કરી શકે છે.
પોસ્ટની વિગતો- આ ભરતી અભિયાન હેઠળ કુલ 4232 એપ્રેન્ટિસની જગ્યાઓ ભરવામાં આવશે. એર કન્ડીશનીંગ, સુથાર, ડીઝલ મીકેનીકલ, ઈલેકટ્રોનીક મીકેનીક, ઈલેક્ટ્રીશીયન, ફીટર, પેઈન્ટર, વેલ્ડર સહિતના અન્ય ટ્રેડ પર ભરતી કરવામાં આવશે.
શૈક્ષણિક લાયકાત- ઉમેદવારે માન્ય બોર્ડમાંથી ઓછામાં ઓછા 50 ટકા માર્ક્સ સાથે 10મું પાસ કરેલ હોવું જોઈએ. આ સાથે સંબંધિત વિષયમાં ITI પ્રમાણપત્ર પણ હોવું જોઈએ.
ઉંમર મર્યાદા- ઉમેદવારની ઉંમર 15 વર્ષથી 24 વર્ષની વચ્ચે હોવી જોઈએ. વય મર્યાદા 28 ડિસેમ્બર 2024 ના આધારે નક્કી કરવામાં આવશે. અનામત વર્ગના ઉમેદવારોને વયમાં છૂટછાટ આપવામાં આવી છે.
પસંદગી પ્રક્રિયા- આ ભરતી માટે કોઈ લેખિત પરીક્ષા લેવામાં આવશે નહીં. સાઉથ સેન્ટ્રલ રેલ્વેમાં એપ્રેન્ટીસશીપ માટે પસંદગી મેરીટ લિસ્ટના આધારે કરવામાં આવશે. આ પછી ડોક્યુમેન્ટ વેરિફિકેશન અને મેડિકલ ટેસ્ટ થશે.
પગાર- અંતિમ પસંદગી પામેલા ઉમેદવારોને દર મહિને 7,700-20,200 રૂપિયાનો પગાર મળશે.
અરજી ફી- જનરલ/OBC/EWS કેટેગરીના ઉમેદવારોએ અરજી ફી તરીકે રૂ. 100 ચૂકવવાના રહેશે. જો કે, SC/ST/PH અને મહિલા ઉમેદવારો માટે અરજી ફી ચૂકવવાપાત્ર રહેશે નહીં.
દસ્તાવેજો- દક્ષિણ મધ્ય રેલવેમાં એપ્રેન્ટિસશિપ માટે અરજી કરવા માટે, ઉમેદવારો પાસે આધાર કાર્ડ, 10મી માર્કશીટ, ITI ડિપ્લોમા, પાસપોર્ટ સાઇઝનો ફોટો હોવો જોઈએ.
આ રીતે અરજી કરો-
- સૌથી પહેલા www.scr.indianrailways.gov.in વેબસાઈટ ખોલો.
- નવી નોંધણી લિંક પર ક્લિક કરો.
- નોંધણી પ્રક્રિયા પૂર્ણ કરો.
- દસ્તાવેજો અપલોડ કર્યા પછી, એપ્લિકેશન ફી ચૂકવો.
- ફોર્મનું અંતિમ પ્રિન્ટઆઉટ લો અને તેની એક નકલ ભવિષ્ય માટે સુરક્ષિત રાખો.
