Indian Railways: નવી સરકારમાં સામાન્ય માણસની સુવિધાને ધ્યાનમાં રાખીને રેલવેએ સંપૂર્ણ યોજના તૈયાર કરી છે. રેલવે આ નાણાકીય વર્ષમાં 50 અમૃત ભારત ટ્રેન શરૂ કરવાની યોજના ધરાવે છે. નોંધનીય છે કે આ વર્ષની શરૂઆતમાં રેલ્વે મંત્રી અશ્વિની વૈષ્ણવે ખુલાસો કર્યો હતો કે 1000 અમૃત ભારત ટ્રેનો પાઇપલાઇનમાં છે. જે આગામી વર્ષોમાં બનાવવામાં આવશે.
ગયા વર્ષે પીએમ નરેન્દ્ર મોદીએ પ્રથમ અમૃત ભારત એક્સપ્રેસને લીલી ઝંડી બતાવી હતી. અમૃત ભારત પહેલા વંદે સાધનન તરીકે ઓળખાતું હતું. ટ્રેનની સ્પીડ અંગે દાવો કરવામાં આવી રહ્યો છે કે તે 250 કિમી પ્રતિ કલાકની સ્પીડ સુધી પહોંચવામાં સક્ષમ છે. નિમ્ન મધ્યમ વર્ગને ધ્યાનમાં રાખીને અમૃત ભારત ટ્રેન શરૂ કરવાની યોજના છે. તેથી તેની ટિકિટ પણ પોસાય તેવી અપેક્ષા છે.
ઈકોનોમિક ટાઈમ્સમાં છપાયેલા સમાચાર મુજબ, આ ટ્રેન દ્વારા 1000 કિમીની મુસાફરી કરવા માટે લગભગ 454 રૂપિયા ખર્ચ થશે. AC વગરની આ ટ્રેનમાં જનરલ ડબ્બાઓ અને સ્લીપર ક્લાસ સીટો હશે. રેલ્વે મંત્રી અશ્વિની વૈષ્ણવે પહેલેથી જ કહ્યું હતું કે આવનારી અમૃત ભારત એક્સપ્રેસમાં એસી અને નોન-એસી બંને કોચ હશે.
અમૃત ભારત આધુનિક ટ્રેન છે. જેથી તે વધુ ઝડપે દોડી શકે, તેની બંને બાજુએ એન્જિન લગાવવામાં આવ્યા છે. આ ટ્રેન દ્વારા રેલવે મુસાફરોને વધુ સારી સુવિધા મળી શકશે. આ ટ્રેનોમાં આરામદાયક બેઠકો, સારી સામાનની જગ્યા, મોબાઈલ ચાર્જિંગ પોઈન્ટ, એલઈડી લાઈટ્સ, સીસીટીવી અને ટ્રાવેલ ઈન્ફોર્મેશન સિસ્ટમ આપવામાં આવી છે.
અમૃત ભારત એક્સપ્રેસમાં કુલ 22 કોચ છે. જેમાં રિઝર્વેશન વગરના મુસાફરો માટે 8 જનરલ કોચ અને 12 સ્લીપર કોચ અને 2 ગાર્ડ કોચનો સમાવેશ થાય છે. ટ્રેનની ખાસ વાત એ છે કે તેમાં ઉત્તમ લગેજ રેક, આરામદાયક સીટો અને મોબાઈલ ચાર્જર આપવામાં આવ્યા છે. ટ્રેનમાં આધુનિક ટોયલેટ અને અગ્નિશામક વ્યવસ્થા પણ લગાવવામાં આવી છે. હાલમાં દેશમાં બે વંદે ભારત ટ્રેનો ચાલી રહી છે. પ્રથમ ટ્રેન દરભંગાથી આનંદ વિહાર રૂટ પર અને બીજી માલદાથી બેંગ્લોર રૂટ પર દોડી રહી છે.
