1લી જાન્યુઆરીથી બંધ થશે આ ખાતા, જાણો કયા છે ખાતાધારકોને થશે નુકસાન

રિઝર્વ બેંક ઓફ ઈન્ડિયા (RBI) 1 જાન્યુઆરી, 2025 થી બેંકિંગ સિસ્ટમમાં કેટલાક ફેરફારો કરવા જઈ રહી છે. આ ફેરફારો ખૂબ જ મહત્વપૂર્ણ છે કારણ કે તે લાખો ગ્રાહકોને અસર કરી શકે છે. બેંકો 2025ના પહેલા દિવસથી ત્રણ ખાતા બંધ કરવા જઈ રહી છે. ગ્રાહકોએ તપાસ કરી લેવી કે તેમનું ખાતું સુરક્ષિત છે કે કેમ અને જો નહીં, તો એકાઉન્ટ બંધ ન થાય તે માટે કયા પગલાં લઈ શકાય. 1 જાન્યુઆરીથી ત્રણ પ્રકારના ખાતા બંધ થઈ જશે.

RBI આ ખાતાઓ 1 જાન્યુઆરીથી બંધ કરશે

નિષ્ક્રિય ખાતું-

છેલ્લા 12 મહિના કે તેથી વધુ સમયનો કોઈ વ્યવહાર ઈતિહાસ દર્શાવતા ખાતાઓને નિષ્ક્રિય ખાતા ગણવામાં આવે છે.

જો કોઈ ખાતાધારકે તેના ખાતામાં 1 વર્ષથી વધુ સમયથી કોઈ વ્યવહાર કર્યો નથી, તો તેણે તેની સંબંધિત બેંક શાખાનો સંપર્ક કરવો જોઈએ અને તેનું એકાઉન્ટ સક્રિય કરવા માટેની પ્રક્રિયાને અનુસરવી જોઈએ. આ કાર્યવાહી બિનજરૂરી બોજ ઘટાડવા અને બેંકોની કાર્યક્ષમતા વધારવા તેમજ ઓનલાઈન છેતરપિંડીની શક્યતા ઘટાડવા માટે કરવામાં આવી રહી છે.

ડોરમેટ એકાઉન્ટ-

જ્યારે કોઈ ખાતું કોઈપણ વ્યવહાર પ્રવૃત્તિ વિના બે વર્ષની સમય મર્યાદાને પાર કરે છે, ત્યારે બેંકો તેને ડોરમેટ તરીકે ચિહ્નિત કરે છે. આરબીઆઈએ આવા એકાઉન્ટ્સને બંધ કરવાનો નિર્દેશ આપ્યો છે કારણ કે તે હેક થવાની અને બાદમાં સાયબર છેતરપિંડી કરનારાઓ દ્વારા નિર્દોષ લોકો સાથે છેતરપિંડી કરવા માટે તેનો ઉપયોગ થવાની સંભાવના વધારે છે.

ઝીરો બેલેન્સ ખાતું-

નિષ્ક્રિય અને ડોરમેટ એકાઉન્ટ્સની જેમ, તેમના ખાતામાં લાંબા સમય સુધી ઝીરો બેલેન્સ જાળવી રાખતા ખાતા પણ 1 જાન્યુઆરીથી બંધ થઈ જશે. આ પગલું એ સુનિશ્ચિત કરવા માટે પણ લેવામાં આવ્યું છે કે એકાઉન્ટ્સનો કોઈ દૂષિત ઉપયોગ ન થાય. આ પગલાનો હેતુ ગ્રાહકોને તેમના એકાઉન્ટનો વધુ વારંવાર ઉપયોગ કરવા પ્રોત્સાહિત કરવાનો પણ છે. જો કોઈપણ ખાતાધારકે તેના ખાતામાં શૂન્ય બેલેન્સ જાળવી રાખ્યું હોય, તો તેને સલાહ આપવામાં આવે છે કે તે તેની શાખાની મુલાકાત લે અને ખાતાઓનું સરળ સંચાલન સુનિશ્ચિત કરવા યોગ્ય KYC કરે.