બોર્ડર-ગાવસ્કર ટ્રોફીની ચોથી ટેસ્ટ મેચ ભારત અને ઓસ્ટ્રેલિયા વચ્ચે ઐતિહાસિક મેલબોર્ન ક્રિકેટ ગ્રાઉન્ડ પર રમાઈ રહી છે. આજે બોક્સિંગ ડે ટેસ્ટનો ત્રીજો દિવસ ભારતના યુવા સેન્સેશન નીતિશ કુમાર રેડ્ડીના નામે છે. ભારતના યુવા જમણા હાથના સ્ટાર બેટ્સમેન નીતિશ કુમાર રેડ્ડીએ MCG ખાતે ઓસ્ટ્રેલિયા સામેની ચોથી ટેસ્ટમાં પોતાની પ્રથમ સદી ફટકારી છે.
નીતિશ રેડ્ડીએ પ્રથમ સદી ફટકારી હતી
ઓસ્ટ્રેલિયા વિરૂદ્ધ ચોથી ટેસ્ટ મેચમાં નીતીશ કુમાર રેડ્ડી મુશ્કેલ પરિસ્થિતિમાં બેટિંગ કરવા મેદાનમાં આવ્યા હતા. પરંતુ, આ 21 વર્ષના બેટ્સમેને ડહાપણ સાથે બેટિંગ કરી. નીતિશે સૌપ્રથમ પોતાની પ્રથમ અડધી સદી પૂરી કરી અને ટીમ ઈન્ડિયાને ફોલોઓનના સંકટમાંથી બચાવી. ત્યારબાદ તેણે પોતાની પ્રથમ સદી ફટકારીને ભારતને મેચમાં પરત લાવ્યું. નીતિશ ઓસ્ટ્રેલિયામાં સદી ફટકારનાર ત્રીજા સૌથી યુવા ભારતીય ક્રિકેટર બની ગયા છે.
2020 પછી ભારતીય દ્વારા સદી
2020 પછી ભારતીય દ્વારા સદીઆ સદી સાથે, નીતિશ કુમાર 2020 પછી પ્રથમ વખત મેલબોર્ન ક્રિકેટ ગ્રાઉન્ડ પર સદી ફટકારનાર ભારતીય બેટ્સમેન બની ગયા છે. તેના પહેલા અજિંક્ય રહાણેએ 2020માં રમાયેલી બોક્સિંગ ડે ટેસ્ટમાં સદી ફટકારી હતી.
અનિલ કુંબલેનો રેકોર્ડ તોડ્યો
આ સદી સાથે નીતીશ કુમાર રેડ્ડીએ એક મોટો રેકોર્ડ પોતાના નામે કરી લીધો છે. તે આઠમા નંબર પર બેટિંગ કરીને સૌથી વધુ રન બનાવનાર ભારતીય ખેલાડી બની ગયો છે. તેણે અનિલ કુંબલેનો રેકોર્ડ તોડ્યો, જેણે 8મા નંબર પર બેટિંગ કરતા સૌથી વધુ 87 રન બનાવવાનો રેકોર્ડ બનાવ્યો હતો.
