Son Assaults Father : સોશિયલ મીડિયા પર એક સીસીટીવી ફૂટેજ ઝડપથી વાયરલ થઈ રહ્યો છે, જેમાં જોવા મળે છે કે એક વ્યક્તિ સોફા પર બેઠેલા એક વૃદ્ધ વ્યક્તિ પર એક પછી એક મુક્કા મારી રહ્યો છે. આ વીડિયોએ લોકોને અંદરથી હચમચાવી દીધા છે અને લોકો પૂછી રહ્યા છે કે શું એક પુત્ર તેના પિતા સાથે આવું વર્તન કરી શકે છે? લોકોએ આ વ્યક્તિ સામે કાર્યવાહી કરવાની માંગ કરી છે. જો કે પોલીસે આરોપીની ધરપકડ કરી વધુ તપાસ હાથ ધરી છે.
આ સીસીટીવી ફૂટેજ તમિલનાડુના પેરામ્બલુરમાંથી સામે આવ્યા છે. આરોપીનું નામ સંતોષ છે, જેની ઉંમર 40 વર્ષ છે. મીડિયા સૂત્રોના જણાવ્યા અનુસાર, સંતોષે પ્રોપર્ટીના વિવાદને કારણે તેના 63 વર્ષના બિઝનેસમેન પિતાને બેરહેમીથી માર માર્યો હતો. આ ઘટનાના થોડા દિવસ બાદ જ વૃદ્ધનું મૃત્યુ થયું હતું. ઘટનાના સીસીટીવી ફૂટેજ સામે આવ્યા બાદ જ પોલીસે તાત્કાલિક કાર્યવાહી કરી આરોપીની ધરપકડ કરી હતી અને સમગ્ર મામલાની તપાસ કરવામાં આવી રહી છે. બીજી તરફ આ સીસીટીવી ફૂટેજ જોયા બાદ સોશિયલ મીડિયા યુઝર્સ આરોપીઓને કડકમાં કડક સજાની માંગ કરી રહ્યા છે.
एक बेटा अपने पिता को किस तरह मार रहा देख लीजिए। बेटे की इस दर्दनाक पिटाई से पिता टूट गया। कुछ दिन बाद उसकी मौत हो गई।
😔😔 pic.twitter.com/uGPMesKGFb
— Dhananjay Kr. Putush🇮🇳 (@DhananjayPutush) April 29, 2024
ડરામણા વીડિયોમાં પુત્રનો નિર્દય ચહેરો દેખાય છે
સોશિયલ મીડિયા પર વાયરલ થયેલા સીસીટીવી ફૂટેજમાં સ્પષ્ટપણે જોઈ શકાય છે કે એક વૃદ્ધ વ્યક્તિ સોફા પર બેઠો છે અને અચાનક તેનો દીકરો આવે છે અને કંઈ બોલ્યા વગર તેને મુક્કો મારે છે. તે એટલી ઝડપથી મુક્કા મારે છે કે તે માત્ર 15 સેકન્ડમાં 20 થી 25 મુક્કા મારી દે છે. આ પછી, જ્યારે તેના હાથ થાકી જાય છે, ત્યારે તે તેના પિતાના ચહેરા પર લાત મારે છે અને પેટમાં પણ લાત મારે છે. જ્યારે તે આનાથી પણ સંતુષ્ટ નથી થતો ત્યારે તે થોડીવાર રાહ જુએ છે અને ફરીથી મારવા માટે આગળ વધે છે, પરંતુ તે દરમિયાન કોઈ અન્ય વ્યક્તિ આવીને તેને પકડીને લઈ જાય છે. બીજી તરફ એવું જોવા મળે છે કે વૃદ્ધા પાસે કોઈ આવતું નથી અને વૃદ્ધા શ્વાસ લેતાં સોફા પર નીચે પડી જાય છે. આ ઘટનાના થોડા દિવસો બાદ જ તેમનું અવસાન થયું.
