રેખા ગુપ્તા દિલ્હીના મુખ્યમંત્રી બન્યા, પ્રવેશ વર્મા, આશિષ સૂદે લીધા મંત્રી તરીકે શપથ

રાજધાની દિલ્હીને ચોથી મહિલા મુખ્યમંત્રી મળી છે. શાલીમાર બાગથી ધારાસભ્ય બનેલી રેખા ગુપ્તાએ દિલ્હીના રામલીલામાં મુખ્યમંત્રી તરીકે શપથ લીધા છે.

તેમની સાથે 6 ચહેરા પણ કેબિનેટ મંત્રી બનવા જઈ રહ્યા છે. દિલ્હી કેબિનેટમાં પરવેશ વર્મા (નવી દિલ્હી), મનજિંદર સિંહ સિરસા (રાજૌરી ગાર્ડન), રવિન્દર કુમાર ઈન્દરાજ (બવાના), કપિલ મિશ્રા (કરવલ નગર), આશિષ સૂદ (જનકપુરી) અને પંકજ કુમાર સિંહ (વિકાસપુરી) ને મંત્રી બનાવવામાં આવ્યા છે.

#WATCH | BJP’s first-time MLA Rekha Gupta takes oath as the Chief Minister of Delhi. Lt Governor VK Saxena administers her oath of office.

With this, Delhi gets its fourth woman CM, after BJP’s Sushma Swaraj, Congress’ Sheila Dikshit, and AAP’s Atishi. pic.twitter.com/bU69pyvD7Y

— ANI (@ANI) February 20, 2025

કાર્યક્રમમાં કોણ કોણ હાજર છે?

શપથ ગ્રહણ સમારોહ વડા પ્રધાન નરેન્દ્ર મોદીની હાજરીમાં યોજાયો હતો. ગૃહમંત્રી અમિત શાહ, જેપી નડ્ડા, ચંદ્રબાબુ નાયડુ, સંરક્ષણ મંત્રી રાજનાથ સિંહ, મહારાષ્ટ્રના મુખ્યમંત્રી દેવેન્દ્ર ફડણવીસ, મધ્યપ્રદેશના મુખ્યમંત્રી મોહન યાદવ, આંધ્રપ્રદેશના નાયબ મુખ્યમંત્રી પવન કલ્યાણ, રાજસ્થાનના મુખ્યમંત્રી ભજન લાલ, છત્તીસગઢના મુખ્યમંત્રી વિષ્ણુ દેવ સાઈ, હરિયાણાના મુખ્યમંત્રી નાયબ સિંહ સૈની, યુપીના બંને નાયબ મુખ્યમંત્રી કેશવ પ્રસાદ મૌર્ય, બ્રજેશ પાઠક, મહારાષ્ટ્રના નાયબ મુખ્યમંત્રી એકનાથ શિંદે પણ સમારોહમાં હાજરી આપવા પહોંચ્યા હતા.

રસપ્રદ વાત એ છે કે આમ આદમી પાર્ટીના રાજ્યસભા સાંસદ સ્વાતિ માલીવાલ પણ સ્ટેજ પર હાજર હતા. કાર્યક્રમમાં કેન્દ્રીય મંત્રી અમિત શાહ પહોંચ્યા હતા.

રેખા ગુપ્તા કોણ છે?

લગભગ દસ વર્ષ સુધી એબીવીપીના સભ્ય રહ્યા પછી, તે 2002 માં ભાજપમાં જોડાઈ. તે દિલ્હી ભાજપ મહિલા મોરચાના મહાસચિવ અને ભાજપ મહિલા મોરચાના રાષ્ટ્રીય ઉપાધ્યક્ષ પણ રહી ચૂક્યા છે. રેખા ગુપ્તા એક અનુભવી કાઉન્સિલર રહી છે. તેમણે શાલીમાર બાગથી આમ આદમી પાર્ટીના ઉમેદવારને 29,595 મતોથી હરાવ્યા.